من طرف حلقه 7
والاخيرة
ولما قربت منهم اكتر لقيته ميييييييين .. قال وانا اللي كنت بدافع عن الرومانسية في الطريق العااااااااااام !!
مش معقوووووووووووووووووول !!
لقيته الواد ابو بلوفر برتقالي ههههههههههههههه اللي كان بيعاااكسني ^_^
مش عايزة اسئ الظن بالبنت واقول انه لحق يتعرف عليها ... لأنها ساعتها تبقي بنت (هه) اوي علي رأي صلاح عبد الله في مسلسل ريا وسكينة
بس الاكيد ان الواد ده مرتبط بيها .. ومش بعيد يكون خاطبها .. بس من كتر ما كانوا مكتفين ايد بعض .. ملمحتش الدبل
والباشا بيعاكس !!!
ماهو اصلا لو كان محترم مكانش قعد يحب فيها في الشارع بالمنظر ده .. حتي لو كانت خطيبته
مش قلنا من الاول مفيييش حنفي .. كلهم كدة وربنا ^_^
ساعتها بقي جالي تليفون ...
نمرة غريبة
- الو .. السلام عليكم
- الو (صوت واحدة بيعيط اووووي) الحقيني يا (س) .. انا في مصيبة !!
- مين معايا ؟؟
- انا "فلانة "
- مالك يا بنتي في ايه ؟؟ اهدي بس ؟؟
- انا اطلقت يا (س) ومش عارفة اعمل ايه .. انا بحبه اوووي.. مش متخيلة حياتي من غيره .. انا والله ما عملتله حاجة
- يا نهار ابيض !! طلاااق!! يا ستير يا رب ... اهدي بس واحكيلي .. اكيد عملتي حاجة
- لأ والله .. اصله مكانش في وعيه .. وانا كنت بعيط .. فلقيته فجأة جه ناحيتي .. وباس راسي .. وقالي انتي طالق
- قلتلها مش في وعيه ازاي يعني ؟؟ قصدك متعصب اكيد
- قالتلي اه هو كان متعصب .. والمشكلة لما بيتعصب وهو شارب حشيش بيبقي صعب حبتين .. بس هو محترم والله
- حشيش!! o_0
- ايوة الحمد لله انه كان شارب حشيش بس .. ده لو كان نسي ياخد البرشام .. كان ممكن ضربني فيها كمان .. انا مليش حد.. انا هعيش منين انا وابني .. وهرجع لأهلي ازاي .. انا عمري ما هلاقي حد زيه
- برشام .. وحشيش ؟؟ اكيد مش هتلاقي زيه يا امي o_0
استمرت في العياط بشكل هيستيري
- اهدي بس يا "فلانة " .. يا بنتي كل شئ وليه حل .. وقوليلي .. مين كان موجود لما قالك انتي طالق ؟؟
- مكنش فيه حد خالص غيري انا وهو
- ولا حد كان يسمع ؟؟
- لأ خالص
- طب حلو اوي .. كدة تقريبا الطلقة موقعتش اصلا .. لأن شرط اساسي فيها الشهود
- بجد يا (س) متأكدة ؟؟
- بصي اتأكدي .. بس انا سمعتها من شيوخ كتير اوي .. بس نصيحتي .. لما يرجع اطلبي منه الطلاق
----
ياااااه .. الواحد منشكح م السعادة
لما اكتشف ان احدي صديقاته (سابقا طبعا) تبقي زوجة رجل مهم
)
حنفي مهم
افتكرت الفنانة القديرة سناء يونس - رحمها الله - في مسرحية سك علي بناتك
الله يخرب بيتك يا حنفي .. الله يخرب بيتك .. الله يخرب بيتك .. الله يخرب بيتك
تمت..
****
منقول من صفحتنا على الفيس
انا هكون يوسف وانتى هتكونى مريم ومش هنحب الا زواجنا
