احب اعيش..... او لا مفيش

الكلمات عجبتنى فحبيت اجيبهالكوا يا رب تعجيكوا

أحب أعيش معايا أو حتى مافيش
أخد منها راضى وراضى لو مدتنيش
مدام ليا رب مخفش ومبيظلمنيش
غير الى انكتب ليا في الدنيا مافيش
أصل الرزق من ربنا وأزاى ميرزقنيش
ورزق الطير والنمل تحت الحجر منسيش
يبقا حخاف ليه ومن أيه وأقول أنو مرزقنيش
قابلت ناس كتير وشفت منهم الى ميتنسيش
وأقول فى عقل بالى أختبارات مبتنتهيش
لو شغلت بالى وقلت دى أيام من مافيش
وأقول لنفسى هو أنا فى الافراح ماليش
بس ده نصيب والى مش نصيبى ميتقدرليش
ولو أنا فتحت باب للطمع الدنيا ماتكفيش
يبقى بالمقسوم أرضى ولو على ابساط أعيش
أصل أنا أحب أعيش فى مافيش ميهمنيش
ولو بصيت لغيرى وقلت دنا معنديش
اسير شيطانى أعيش ويحلف ميسبنيش
يبقى بلى عندى أرضى بقا وفى غيرى ماليش
بس كلام الناس كتير وفى حالى ميسبونيش
بس أنا لو مهما عملت لكل الناس مرضيش
وأنا أحب أعيش وان كيتر الكلام ميهمنيش
أحب أعيش وبدعى ربنا أخرتى ميخسرنيش
ويبعد عنى الشيطان وبالمعصية ميوسوسليش
أيام وتعدى ساعات فيها ويمكن سا عات مافيش
بس لازم أعيش والدنيا من غير رضا ربنا متهمنيش
وبكده حعيش وأعيش وأعيش وأعيش
منقول