من طرف 
حلقة 2
((تنويه :: القصة واقعية واسم حنفي من الخيال .. اي انه تم احلال الاسم الحقيقي باسم حنفي ))
يبدو ان في بعض الحصي دخل في حذائي .. فوقفت علي جنب اخلعه والبسه تاني .
وياريييتني ما وقفت .. اهئ اهئ ..
لقيت بنت وولد واقفين جمبي .. يبدو ان سنهم لا يتعدي ال 17 عام .. ولكني مركزتش معاهم .. وركزت في حذائي
وسمعت صوتها وهي بتزعقله
متقربليش يا حنفي ولا تلمسني .. وانا زعلانة منك ومخصماك .. لحد ما تشرحلي المسقط الثالث !!
((ملحوظة .. المسقط الثالث ده درس في الرسم الهندسي في اعدادي هندسة))
تعليقي :: يااا صلاة النبي .. طب مانا جايبة في الرسم الهندسي امتياز ومكنش فيه حنفي وربنا .. وربنا كمان مرة.
تخيلوا واحدة .. بتلعب بمشاعر انسان وعواطفه .. ودينه .. مقابل انها تنجح في مادة .. وتقوله "متلمسنييييش" احم احم
متثبتنييييش .. متودنيييش .. الله يمسيكي بالخير يا ست كوريا
واخييييييرا لقيت صخرة اقعد عليها في حتة لوحدي .. قعدت وطلعت السندوتشات بقي والمخلل وظبطت الاداء وبدأ الاشتباك هع هع هع
بعدها فتحت الحاجة الساقعة وكنت بتفرج ع السما والبحر .. قد ايه صوت الموج ساحر
والسما .. كأنها ام وفاتحة دراعتها لأولادها .. نقية زي الاطفال .. بدون ذنوب
والبحر كأنه حبيب بجد .. و صاحب احنا نفارقه .. بس عمره ما يفارقنا
لقيت نفسي قاعدة ادندن
شط اسكندرية يا شط الهوا
روحنا اسكندرية ورمانا الهوا
يا موجة هنية .. وليالي رضية .. احملها بعنية لشط اسكندرية
البحر ورياحه والفلك الغريب .. يحملها جراحه ويرحل في المغيب
يتمهل شوية .. ويتودع شوية .. ويعانق المية في شط اسكندرية
^_^
اعذروني .. اصلي بحب اسكندرية اوووي
بصيت جمبي لقيت ست بتبيع الورد للحبيبة .. بس بتغلس عليهم اوووووي .
بصراحة حسيت ان عيني من الورد .. وانا مش عايزة احرم نفسي من حاجة .. اعيش الاكتفاء الذاتي بقي
)- لو سمحتي .. لو سمحتي
- اؤمري يا ست الكل
- بكام الوردة ؟؟
- عشان خاطرك بس ب (كذا) جنيه !!!
- ليه كدة !! انتي شيفاني راجل ومعايا واحدة وبتحرجيني قدامها يعني؟؟ .. ههههه ماشي يا ستي مش خسارة في نفسي
- ربنا يسعدك ياااارب
- واياكي بس عيزاها وردة بيضة
خدت الوردة وسرحت فيها اوووووي .. و كنت هدمع غصب عني .
اصلي مش واخدة علي الجو ده بصراحة وممكن اخلافي تفسد كمهندسة
)
رجعت ادندن تاني ..
واسمع صوت من ورايا ... " بيعااااااااكس "
التفت لأري شابا يبدو في العقد الثالث من العمر
متوسط القامة .. يرتدي (بلوفر) برتقالي غامق .. وبنطالا اسود
والله لمحتهم بعد ما مشيت ... انا مببحلقش في البني ادمين
ابيض اللون ووجهه دائري .. وشعره كأن واصله سلك كهربا بفرق جهد 1000 فولت .. شوووك
ظهر عليّ من الاحراج والارتباك
فقال .. كسفني يا ماما كسفني
فزاد ارتباكي جدا .. من وقاحته واقتحامه خصوصيتي وانا اصلا معرفوووووش !!
خدت شنطتي وقمت بسرعة .. ومشيت معتدل ماااارش ..
لما مشيت حسيت اني كنت عايزة اضربه بالج ** بلااااش خلينا مؤدبين .. انا ايه بس وداني هنا.
فقال بصوت عالي .. تعالي خلاااص والله ما هكلمك
لم اعطي اي اهتمام ليه .. وكملت في طريقي وبقول .. لأ لأ لأ .. لايمكن يكون فيه حنفي في حيااااتي .... الرجالة دوول غدارين وعايزين ضرب النااااااااار
يتبع <<
___________________
منقول من صفحتنا في الفيس بوك
أنأ هكون يوسف وانتي هتكوني مريم ومش هنحب الا ازواجنا
