رصيدك كام ؟؟

رصيدك كام ؟؟

جنيه -اتنين -الف- مليون -؟؟؟؟؟؟؟

الفلوس

اول حاجه جت فى بالك لما سألتك عن رصيدك

فلوس -ممتلكات -دهب ..........

بسسسسسسس اركن على جنب ^^

أنا بسأل عن رصيد تانى

رصيدك الإيمانى

رصيدك من الحسنات

ركز معايا وتعالى نحسب رصيدنا

فاكر قصة سيدنا يوسف وفتنة امرأة العزيز ؟؟

فتنة صعبة شاب قوى ..وامرأة ذات منصب وجمال ..

وتدعوه لنفسها ..وأبواب مغلقة ... ولا أحد يراهمها إلا الله

وسورة يوسف بتحكى لينا المحنة والفتنة

فى نهاية الأيات اذكر قوله تعالى :"كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ"

ربنا صرف عنه الفتنة والإبتلاء ده لأنه من (((المخلصين )))

سيدنا يوسف رصيده الإيمانى عالى اوووووووووووى

رصيد الحسنات عالى اووووووووووووووى

عشان كده وقت الفتنة قدر يثبت

قدر يدعى ربنا ...قدر يقول لاء للمعصية

هاوأنت إيه الأخبار ؟؟

رصيدك اد ايه ؟؟

غنى ولا مفلس ؟؟

طيب فاكر التلاته اللى دخلوا الغار وانطبقت عليه الصخرة ؟؟

وخلاص محدش يقدر ينجيهم غير ربنا

وقتها كل واحد منهم دعى ربنا بحاجه من "رصييييييييده "

الأول :دعا ربنا وكان رصيده بره بوالديه

والتانى :دعا ربنا ..وكان رصيده الأمانة

والتالت دعا ربنا ..وكان رصيده عفته وخوفه من ربنا

عشان كده ربنا نجاهم

لأن عندهم رصيييييد إيمانى

دلوقتى تقدر تحسبها

تقدر تعرف رصيدك كام؟؟

رصيدك هيخليك تثبت ادام الفتن والشهوات ؟؟

هيخليك تقول للمعصيه لاء ؟؟

هينجيك وقت حزن وضييييق ؟؟

لو رصيدك كبير ..يابختك ويالا حاول تزوده

ولو رصيدك قليل او مفلس

ها مستنى إيه؟؟

لسه الفرصه ادامك

ولسه مكتوب من الأحياء

يالا معانا ابدء

افتح حساب من ربنا بتوبة صادقة

وامضى على العقد بدموع مخلصة

وابدء بسرعه وزود الرصيد

هتلاقى رب غفور بيقول لبيك عبدى

هتلاقى رب كريم يقربلك اكتر

هتلاقى راحة عمرك ماحسيت بيها

يالا معانا وخد ادواتك

سجادة المصلين
قبلة القائمين
وتوبة الصادقين
وابتهال من خاضع ذليل

"أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ الله وَمَا نَزَلَ مِنَ الْحَقِّ "



منقول من صفحتنا علي الفيس بوك
أنا هكون يوسف وأنتي هتكوني مريم ومش هنحب إلا أزواجنا