من طرف إزيكو يا بنات
...وكل سنـــــة وإنتو طيبيــــــن
ميـــــن فيــــكو نــاويه تعمــــل حاجة في رمضــــان؟؟؟
تصلي التراويح مع أصحــــابها
أو تختــــم القرآن
أو تساعـــــد مامتـــــها في شغل البيـــــت؟؟
طيــــب هسألـــك سؤال بقى
ينفـــــع تبقي بنـــــت أمورة كده ما شاء الله عليكي
وتروحي تصلي التراويــــح في المســـجد وإنتي عاملة حواجبك كده؟؟
أكيــــــد إنتي عارفه إنه حــــرام
بدليل إنــــك كل شوية تلاقي صفحــــة إسلاميـــة تكتب عن الموضوع ده لحد ما زهأتي
وبدليل برده إنك ساعات بتلاقي الكوافير اللي بتروحيله مش بيعمل حواجب في رمضان
إلا لو قص أو تشقيـــــر !!
عــــارفه اللي جه في بالك دلوقت
- يعني هي يعني جت على دي؟
๑•ิ.•ั๑ ๑•ิ.•ั๑
عارفه قصة الراجـــل اللي جه هو وعصابتــــه وسرقوا أحــــد الصحابـــة
ولاحظ الصحابي إنــــه رئيس العصابة مش بياكل مع عصابته
ولما سأله قالوه انا صايم !!!!
صايم وبيسرق
قال أصلي سايب باب بيني وبين ربنا
وبعد سنتين راح الصحابي لقى السارق عند الكعبة تاب
-وبعدين في الرغي ده
اصبري منا جايالك في الكلام اهو
يعني هو ساب باب بينه وبين ربنا
انتي كما اعملي كده
متقفليش كل الأبواب
مش عشان مش بتلتزمي في الصلاة أوي يبقى خلاص كل حاجة تعمليها غلط
مش عشان بتسمعي أغاني يبقى خلاص متصليش
سيبي الباب مفتوح
-طب عايزة إيه يعني؟ منا عملت واللي كان كان ومش هينفع أغير حاجة دلوقت
لا تقدري
-!!؟؟؟؟
بصي يا ستي
في حاجة بنات كتير أوي بتعملها دلوقتي .. إنها تشقر
- يعني ايه؟
لو روحتي الكوافير وقلتلهم عايزة أشقر هيفهموكي
ولو رحتي أي محل تجميل أو صيدلية اسألي على كريم التشقير
ده بيخللي شعر الحاجب أصفر
_مش كله طبعا الجزء اللي انتي عايزاه بس_
وبالتالي يبقى نفس لون البشرة تقريبا ومايبانش خالص
-لا ايه القرف ده
يعني الرسول قالك:
لعن الله إيه؟؟
-النامصة والمتنمصة
ما انتي شاطره أهو وحافظة الحديث كمان
-يعني ايه نامصة؟
يا ستي في اللغة الكلمة دي معناها انها بتنتف الحاجب من أصله ... من جذره يعني
وافتحي المعجم وشوفي
أو افتحي جوجل أسهل
-بس الشيخ ...... قال انه مش حرام
هههههههههههههههه يعني الشيخ قال انه مش حرام والرسول قال حرام
هتصدقي مين؟؟؟؟؟؟؟؟؟
- وانا اعمل ايه دلوقت .. هيبق باين اوي الفرق في الحاجب
أولا كويس أوي انك بدأتي تسألي تعملي ايه
أو كملتي القراءة لحد هنا
معنى كده إن ربنا عايزك تقري وإن هو بيحبك
ومش عايزك تعدي رمضان ده إلا ونتي معتوقة من النار إن شاء الله
بصي يا ستي
احنا أغلبنا دلوقتي في أجازة .. يعني النزول للجامعة والكلام ده مش كتير
- أيوا بس انا بروح دروس
-وأنا عندي كورس
-وانا بنزل مع أصحابي
خلاص يبقى مفيس حل غير التشقير
كل كام يوم اعملي عشان الجزء الجديد اللي طلع
وأوعدك انه هيبقى كده في الأول بس
بعد كده هتعمليها كل أسبوعين
ومريح ومش بيوجع وأهم حاجة أنك بتسمعي كلام ربنا
وعارفه ايه كمــــان
-ايه ؟؟؟؟
لما اصحابك يشوفوكي وتقوليلهم هتشجعيهم لأن أغلبكو والله عايز يبطل العادة دي
بس خايفة
- طب سؤال
ما هو الرسول قال لعن الله النامصة والمتنمصة
يعني خلاص انا ضعت
لا يا حبيبتي
انتي متعرفيش إن ربنا بيبقل التوبة من عباده؟؟
وإنه بيغفر كل شئ كل شئ إلا أن يشرك به
توبي واعي إنه يثبتك على أمرك
يلا إنوي من دلوقت إنك مش هتدخلي رمضان إلا لو نويتي النية دي
وافتكري إن ربنا هو اللي خلقك كده
خلقك في أحسن صورة
انتي كده كانك بتقولي لربنا أنا مش عاجبني اللي عملتو ده !
-استغفر الله العظيم
شوفتي بقى قلتي ايه أول ما قلت الجملة دي؟
تخيلي إنك بتقولي لربنا كده كل ما تنتفي حواجبك
والله بجد ما ليها لازمة
والبدائل كتير
وأكيييييييد إنتي حواجبك رفيعة أصلا
مش عارفه والله عايزة توديها فين بعد كده
يلا بقى مين هيعمل ايه؟؟؟؟؟؟؟
