| لو شاطر .. تعرف تعيش فى مصر بـ 1000 جنيه فى الشهر | |||
لو شاطر .. تعرف تعيش فى مصر بـ 1000 جنيه فى الشهر !!! بيان المصروف اليومى والشهرى : - عيش بلدي : 1 جنيه يومياً = 30 جنيه شهرياً (بس لازم تلحق دورك فى طابور الفرن وتلحق شغلك فى نفس الوقت ربنا معاك ) - حليب : 4 جنيه يومياً = 120 جنيه شهرياً ( عدد واحد لتر يومياً ويارب ميطلعش بودرة سيراميك ويكفى العيال ) - فول : 8 جنيه إسبوعياً = 32 جنيه شهرياً ( كيلو فول اسبوعيا يعنى 125 جرام يوميا رضا والحمد لله ) - جبنة بيضاء : 20 جنيه إسبوعيا ً= 80 جنيه شهرياً ( كيلو في الأسبوع 125 جرام يوميا انت عايش ) - بيض : 5 جنيه إسبوعياً = 20 جنيه شهرياً ( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد ) - خضار : 10 جنيه إسبوعياً = 40 جنيه شهرياً ( عبارة عن صنف واحد بس + كيلو طماطم + ليمونه وحزمة جرجير أسبوعيا ) - فاكهه : 5 جنيه إسبوعياً = 20 جنيه شهرياً ( عبارة عن كيلو برتقال أو قشر موز مرة أسبوعيا عشان العيال تفتكر إسمه ) - شاى : 10 جنيه شهرياً ( لزوم الكيف اللى بيذل والضيوف الرزلين ) -سكر: 4 جنيه إسبوعياً = 16 جنيه شهرياً (عدد واحد كيلو أسبوعيا .. لزوم الكيف اللى بيذل والضيوف اللى معندهمش دم ) - أرز : 4 جنيه إسبوعياً = 16 جنيه شهرياً ( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام ) - زيت طعام : 10 جنيه إسبوعياً = 40 جنيه شهرياً ( لتر اسبوعيا علشان تشرب بق على الريق يزيت معدتك ويستعمل كبديل للخضروات ) - مكرونة : 8 جنيه إسبوعياً = 32 جنيه شهرياً ( عبارة عن عدد 4 كيس 400 جرام أسبوعيا .. خلى العيال تنبسط ) - دجاج : 20 جنيه إسبوعياً = 80 جنيه شهرياً ( عدد واحد دجاجة أسبوعيا للعائله .. أظن معقول ولا ايه ) - لحم : 30 جنيه إسبوعياً = 120 جنيه شهرياً ( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا ) - بقوليات : 10 جنيه شهرياً ( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا ) - توابل : 10 جنيه شهرياً ( عبارة عن دقيق + ملح + كمون + فلفل + كسبرة + وممكن تديها خل براحتك ) - صابون : 15 جنيه شهرياً ( عبارة عن صابونه واحدة للحمام + صابون مواعين + مسحوق للملابس ( النظافة عموما ) - مواصلات : 2 جنيه يومياً = 60 جنيه شهرياً ( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا ) - حلاق : 10 جنيه شهرياً ( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا ) - مصروفات مدرسية : 10 جنيه إسبوعياً = 40 جنيه شهرياً ( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ ) - دكتور : 30 جنيه شهرياً ( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر ) - أدوية : 50 جنيه شهرياً ( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة ) - فاتورة التليفون : 10 جنيه شهرياً ( اشتراك الهيئة فقط .. هنرد بس ومش هنتكلم .. ماعدش ينفع كلام بالله عليك هاتقول ايه ) - فاتورة المياه : 10 جنيه شهرياً ( للأسف ده لو فلوسك على أدك ويبقى لازم تشرب مياه ملوثة بالمجارى ) - فاتورة الغاز : 5 جنيه شهرياً ( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية ) - فاتورة الكهرباء : 20 جنيه شهرياً ( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع ) - قمامة : 10 جنيه شهرياً ( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟؟؟؟؟؟؟؟ ) - بواب : 15 جنيه شهرياً ( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص ويلعلع) - صيانة : 30 جنيه شهرياً ( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ ) - ملابس : 100 جنيه شهرياً ( عبارة عن الصيفى والشتوى داخلى وخارجى واحذية وشرابات وكلونات واتصرف بقى ) ------------ --------- --------- --------- --- الإجمـالى : 1081 جنيه شهرياً ------------ --------- --------- --------- -- أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه . وبالمناسبة .. عيد الام ربنا يخليها ويديها الصحة .. كل سنة وهى طيبة عيد الكحك .. مضر ومالهوش لازمة عيد اللحمة ..مضر ومالهوش لازمة حلاوة المولد .. السكر مضر ومالهوش برضه لازمة .. ولو على الحلويات رمضان كريم وخيره كتير أخ خ خ نسيت احسب زكاة الفطر بس مش عارف هادفعها ولا هاخدها ؟ عموما هاقولكم على قائمة الممنوعات والمحظورات .. متقربوش منها علشان تعرفوا تتنيلوا وتكملو الشهر ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا ) ممنوع .. المعلبات .. تونه - بلوبيف - لانشون - سالمون – وطبعا البسطرمة والزيتون والمخللات أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل احنا ناقصين هانجيب لكل ده منين ممنوع اللحوم بانواعها .. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور اوعى تضعف.. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ . خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم طبيعى انك مش هتقرب من الفواكهة خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبأ والقصب والدوم والتوت ممنوع سيادتك وطبعا معجون الاسنان والحلاقة والشامبو والبلسم كلها رفاهيات وكماليات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية الف ليلة وليلة يعنى كانت فى العصور القديمة فترة من الزمن وانقرضت.. وإن الواقع زى ماهما شايفيينه دلوقتى . حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات للمستقبل .. ممكن تحصل بعدين فى يوم ما .. زى ماحصل فى امريكا وكندا وفرنسا والمانيا واوروبا كلها .. وان الحاجات دى علشان لما الناس دى ييجوا عندنا يلاقوا منها ويعرفوا يعيشوا .. وإن الحاجات دى مش لينا .. دى ليهم هما .. هما أصحاب البلد ولازم ينبسطوا . عموماً لو على الكلام .. الكلام مش ها يخلص .. روح بقىالحق طابور العيش لايفوتك .. تبقى مصيبة لو انا اللى عطلتك ورحت لقيت الفرن شطب .. وتقعد طول اليوم تدعى عليا .. واحنا مش نقصين دعوات .. اللى فينا مكفينا . | |||
+4
Dr Adel
talkha
عابر سبيل
omdaman
8 مشترك
لو شاطر تعرف تعيش فى مصر ب1000جنيه فى الشهر
omdaman- :: عضــو جــديــد ::
عدد الرسائل : 13
نقــاط : 60880
العمر : 35
البــلد : المنصورة
المدينــة : السنبلاوين
sms : إن مقدرتش تضحك متدمعش ولا تبكيش
وإن مفضلش معاك غير قلبك اوعي تخاف مش هتموت هتعيش
وإن سألوك الناس عن ضي جوا عيونك مبيلمعش
متخبيش قولهم العيب مش فيا ده العيب في الضي
وأنا مش عاشق ضلمة ولا زعَلت الضي
ومسير الضي لوحده هيلمع ومسير الضحك لوحده هيطلع
داالضحك لوحدة مبيجرحش ولا يأذيش
إيهاب العمدة
eeleathy@yahoo.com
تاريخ التسجيل : 28/03/2008
- مساهمة رقم 1
لو شاطر تعرف تعيش فى مصر ب1000جنيه فى الشهر
من طرف omdaman الأربعاء أكتوبر 22, 2008 11:30 pm
عابر سبيل- :: عضــو نشيــط ::
عدد الرسائل : 70
نقــاط : 59177
العمر : 39
البــلد : السعودية
المدينــة : الرياض
sms : إبتعد بسكات لا تطري الوداع
تاريخ التسجيل : 17/09/2008
- مساهمة رقم 2
رد: لو شاطر تعرف تعيش فى مصر ب1000جنيه فى الشهر
من طرف عابر سبيل الخميس أكتوبر 23, 2008 12:14 pm
أنا أشطر واحد
talkha- :: عضــو نشيــط ::
عدد الرسائل : 90
نقــاط : 59077
العمر : 35
البــلد : talkha
المدينــة : talkha
sms : طلخا لديها كل جديد
تاريخ التسجيل : 24/09/2008
- مساهمة رقم 3
رد: لو شاطر تعرف تعيش فى مصر ب1000جنيه فى الشهر
من طرف talkha الخميس نوفمبر 13, 2008 11:55 am
لازم نعيش
Dr Adel- :: عضــو جــديــد ::
عدد الرسائل : 3
نقــاط : 58950
العمر : 47
البــلد : مصر
المدينــة : مدينة ما
تاريخ التسجيل : 07/10/2008
- مساهمة رقم 4
رد: لو شاطر تعرف تعيش فى مصر ب1000جنيه فى الشهر
من طرف Dr Adel الأحد نوفمبر 16, 2008 3:41 am
يا عم احنا عارفين ومطنشين
لازم يعني تخبطنا في الحيط
على العموم متشكرين يا سيدي
شوفلي معاك 100 جنيه بقة لأول الشهر
لازم يعني تخبطنا في الحيط
على العموم متشكرين يا سيدي
شوفلي معاك 100 جنيه بقة لأول الشهر
شامان الرياض- :: عضــو جــديــد ::
عدد الرسائل : 10
نقــاط : 56344
العمر : 47
البــلد : s.a
المدينــة : reyadh
تاريخ التسجيل : 27/06/2009
- مساهمة رقم 5
رد: لو شاطر تعرف تعيش فى مصر ب1000جنيه فى الشهر
من طرف شامان الرياض السبت يونيو 27, 2009 2:08 am
بئولك ايه يا عمده!!!!!!!!
هو في مواصلات بتنين جنيه
طب يتئو الله في السياح الغلاااااااااااااااااااااااااااااااااااااااابا
والله انهم يئشطوني الألف جنيه في الهوا وارجع أبل ما نام
وأئول الفلوس راحت فين أنا اتسرئت يا رجاااااااااااااله
الحال من بعضو
ما تفكرش ان فيه حد أحسن من حد
فواتير الجوال لا تقل شهريا عن 500 ريال
وكيلو اللحمة 40 ريال
وكيلو الطماطم 8ريال
وساندوتش كودو 18 ريال
وفواتير الكهرباء 200 ريال شهريا
و
و
تقبل مروري وتحياتي
و
و\
هو في مواصلات بتنين جنيه
طب يتئو الله في السياح الغلاااااااااااااااااااااااااااااااااااااااابا
والله انهم يئشطوني الألف جنيه في الهوا وارجع أبل ما نام
وأئول الفلوس راحت فين أنا اتسرئت يا رجاااااااااااااله
الحال من بعضو
ما تفكرش ان فيه حد أحسن من حد
فواتير الجوال لا تقل شهريا عن 500 ريال
وكيلو اللحمة 40 ريال
وكيلو الطماطم 8ريال
وساندوتش كودو 18 ريال
وفواتير الكهرباء 200 ريال شهريا
و
و
تقبل مروري وتحياتي
و
و\
فارس- :: عضــو محتــرف ::
عدد الرسائل : 4424
نقــاط : 65901
العمر : 33
البــلد : مصر
المدينــة : كفر الشيخ
الــوســـام :
تاريخ التسجيل : 24/08/2008
- مساهمة رقم 6
رد: لو شاطر تعرف تعيش فى مصر ب1000جنيه فى الشهر
من طرف فارس السبت يونيو 27, 2009 2:23 pm
على رايك والله الى يعرف هموم الناس تهون عليه همومه
Karyoki Attia- :: عضــو مـــولــع ::
عدد الرسائل : 429
نقــاط : 56866
العمر : 31
البــلد : ام الدنيا
المدينــة : المنصوره
الــوســـام :
sms : ؟؟؟؟؟؟؟؟؟؟؟؟؟؟
تاريخ التسجيل : 22/06/2009
- مساهمة رقم 7
رد: لو شاطر تعرف تعيش فى مصر ب1000جنيه فى الشهر
من طرف Karyoki Attia السبت يونيو 27, 2009 9:18 pm
عليا النعما احلى شباب هما شباب المنصورة
شباب روشا طحن
شباب روشا طحن
القلب الطيب- :: عضــو مـــولــع ::
عدد الرسائل : 457
نقــاط : 55977
العمر : 32
البــلد : مصـــــــــــــــــــــــــــــــــــــــــــــــر
المدينــة : المنصوره
sms : رومانسيه
تاريخ التسجيل : 15/09/2009
- مساهمة رقم 8
رد: لو شاطر تعرف تعيش فى مصر ب1000جنيه فى الشهر
من طرف القلب الطيب الخميس أكتوبر 01, 2009 6:56 pm
اكيد شباب المنصوره
شباب جدعان اووووووووووووووى
شباب جدعان اووووووووووووووى
