من طرف 
بسم الله الرحمن الرحيم
انا مش عايز حد يزعل منى لان بجد ..محدش فاهم حاجه واللى انتوا بتقولوه دا نتيجه للى حاصل قدامكم
اولا انا مش عايز اكون السبب ان حد منكم يسيب المنتدى لان كل عضو هو جزء من المكان دا
ولو مافيش اعضاء مافيش منتدى .. والمكان دا حافظنا عليه كتير اكتر من سنتين بنحاغظ على حبنا فيه
ناس كتير عرفت بعض عن طريقة وناس كتير خرجت منه بذكريات جميله تاركه لمسات لها معنى
ناس كتير اتكلمت عليا بطريقة مش حلوه .. لكن مافيش مشكله
مش عايز اقول ان هسيب المنتدى ولا الكلام دا .. لكن فعلا ناوى افصل النت وابعد عن الجو دا خالص
عشان كدا فيه حاجات كتير هتتغير فى المنتدى والوحش هنصلحه
من انهارده لازم يكون فيه فريق ادارة يقدر يدير المنتدى من بعدى ودا اللى بعمله دلوقتى
وكل واحد فى فيكم له حقوق زيه زى الادارة
يعنى انتوا المتحكمين فى كل حاجه .. مافيش حد هيتحكم فيكم لان محدش اتحكم فيكم قبل كدا
ياريت يا جماعه تفكروا كويس .. وتحاولوا ترجعوا كل حاجه زى الاول
يمكن فيه ناس ماشفتناش كنا عاملين ازاى فى الاول لكن اكيد حستنا لما بقت مننا
المهم رجعوا اللى زعلان .. ولا حد زعلان منى انا بتأسفله
انا مش بظلم حد ولا ظلمت حد .. وايمى هتبقى مشرفه عامه ع المنتدى زى ما كانت
ومحمود رجع
وهظبط المنتدى قبل ما امشى .. عشان محدش يعوز حاجه بقى منى تانى
