هل حقا نحن جيل فاشل

كثيراً مانسمع في هذه الأيام من أناس كثيرين وخاصةً كبار السن أن

الزمان قد تغير ولم يعد كما السابق ..

يا ريت أيام زمان ترجع ..

كانوا الناس إخوان وأحباب وكل شي كان له طعم ..

كثيراً ما نسمع نبرات الإحباط في مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا يصلح للمعيشة وأنه زمن الإتكال على الغير

وإنتشار المحرمات وضيق العيش ... الخ

نسمعهم يتحسّرون على أيامهم الماضية

ويصفوننا ويصفون زماننا بأمور غريبة



فهل نظرتهم صحيحة أم أنها جائرة ؟؟ ولماذا ؟؟

وهل هم دوماً محقّين فيما يذهبون إليه ؟؟


وهل يخلوا عصرنا من كل شيء جميل لهذه الدرجة التي يرونها ؟؟

أريد أن أرى آرائكم العقلانية دون التعصّب لزماننا ..

هل حقاً نحن جيل فاشل ؟!!!





فى حفظ الله ورعايته

مش عارف والله بس ايام زمان كان اللبس بتاع البنات

كان اقصر من دلوقتى يمكن تلاحظوها فى الافلام


انا مش عارف هى الحياة من زمان كانت حياة حلوة وكدة بالنسبة للاسعار و كانت اخف من دلوقتى بشوية كتار

هو دة كل اللى زاد

مشكور جدا يا مان على رايك

لا الحياه زمان ماكانتش اخف فى اللبس ولا ارخص
لأن الحياه زمان كانت المرتبات ضعيفه
اما دلوقتى مع ازدياد الاسعار تزداد المرتبات
وعلى العموم
مشكور على التوبيك يا مان

ربنا يخليك يا عمور

مشكور على مرورك

مشكورة همسة ود على مرورك الجميل

نورت التوبيك

عندك حق والله

فعلا الجيل دا جيل فاشل

هذا الجيل ..جيل فى ايده كتير وتفكيره بقا اقوى من ايام زمان
لكن المشكله ان المصريين بيحبو الكسل فى كل شئ .. مع ان لو احنا شغلنا مخنا هنعمل كتير اوى وانا متاكد من دا
لكن للاسف دلوقتى كل حاجه سعرها زاد وبقت المعيشه زى الزفت
واى حد مننا لو راح يتشغل هيبقى عايز مرتب كبير عشان يعرف يعيش هذه الزمن
لكن الاسعار زادت والمرتبات زى ما هى
فالتالى نعد فى بيوتنا احسن .. وهو دا الى بيحصل

لو رجعنا لافلام ابيض واسود هتلاقى الحياه كانت زمان جميله جدا .. وكانت كل حاجه صادقه ..حتى القلوب كانت صافيه

عايزنا نرجع زى زمان قوووول للزمان ارجع يا زمان

لالالا
مين قال ان ده جيل فاشل
احنا ايلى عاملين كده ف نفسنا
كل شاب جواه طاقه بس هو ايلى بيضيعها ف حاجات فارغه
بالعكس الجيل بتاعنا عنده امكانيات مش عند ايلى قبله
بس بيستغلها وفاكرها غلط
لو كل واحد له هدف وعارف هو عايز ايه
مكنش حد قال اننا جيل فاشل

ياريت كل واحد يعرف هو عايز ايه

والله الزمن متغيرش الناس هى الى تغيرت احنا لو ايدينا فى ايد بعض

ونخاف على بعض الحياه هتبقى جميله اوى

بصراحة اايوة احنا جيل فاشل
لان فية حاجات غايبة عننا كتير
اولا امسؤلية مافيش حد بقى بيشيل مسؤلية الا قليل جدا
ثانيا الرجولة بقت قليلة جدا تلاقى الولاد حاجة تافهة وبجد ساعات تحزن الولد اللى يهمة البس والاصحاب غير كدة مافيش
بس بردة يمكن السبب فى كل دة الزمن نفسة زمن صعب كل حاجة فية صعبة حتى العيشة نفسها واسلوب التفكير نفسة كمان اتغير الاولويات كلها اتغيرت
علشان كدة الناتس بتقو لعلينا جيل فاشل

على فكره المشكله مش فى الجيل ولا الزمن احنا اصلا فى حرب ثقافيه
ولو لاحظتوا هتلاقوا ان كلامى صح لان الشباب اتجاهتها اتغيرت وطبعا السفهاء
بقوا يقولو حكم فمابالكم بقى اكيد لازم نفشل الموازين اتقلبت

احنا مش فاشلين بس كل حاجه بتقف قدامنا الحياة بقت صعبة
لازم نكون قدها لان اللي مش هيعرف يعيش فيها يتعب اوي

شباب زى الورد ومستقبل زى الطين

فعلا الجيل دا جيل فاشل جدا
بس طبعا دا بسبب التكنلوجيا زي ما الاخت ( همسه ود ) قالت
لان كل حاجه احنا عايزنها بتيجي لغايه عندنا
مثلا الموبايل زي ما له فوايد زي ما له اضراره
الاب توب او الكمبيوتر زي ما له فوايده زي ما له اضراره
وكل حاجه كدا
وفعلا مفيش مسؤوليه دلوقتي كل واحد قاعد ليل نهار على الفيس ولا همه مزاكره ولا نيله المهم البرشام الي معاه جوه الامتحان وبمساعده زمايله طبعا
وفعلا جيل زمان دا جيل رائع في قمه الروعه

بس احنا بادنا نغير الجيل دا وكل واحد عارف ازاي نغيره