من طرف السلام عليكم ورحمة الله وبركاته
تحيه طيبه وبعد.................
انا في موضوع مهم جدا حبيت اعرضه عليكم وعلي الشباب الجميل اللي مشرفني في الجروب بس ارجو من حضراتكم المشاركة الجادة جدا والفعاله.............................
طبعا كلنا عارفين شباب اليومين دول وطبعا مقدرش اقول كلهم سواء في الجامعة او في الكروس او في الشارع في اي حتة في مصر بنشوفها في مجتمعنا بتلاقي شباب كل واحد ماشي مع واحدة وتيجي تشوفهم تلاقيه عيل اصلا لسه مراهق وغير كدا كمان تلاقي بايظ واكيد من عيله تعبانة لانه مش محترم ولو حنقول مش مراهق ولا حاجة وبيحبها بجد مش حيمشي معاها في الشارع وبطريقة غير لطيفة يخلي اللي يسوي وميسواش يشوفها ويتكلم عليها كلام مش كويس وغير لائق انا بجد مش عارف البنات اليومين دول بيعملوا في نفسهم كدة ليه هل بتتروشني عشان شفتي صحبتك ماشيه مع واحد فبتقلديها ولا ايه بالظبط وبتقولي انا اقل منها في ايه لما اتعرف علي شباب انا كمان محدش واخد منها حاجة
.......................................................................................................
احب اقول لكل بنت تخاف علي نفسها وابن الحلال حيخبط علي بابها وحيعمل المستحيل عشان يرتيط بيكي بالطريقة والسكة اللي انتي مشايه فيها دي بجد حتضيعي نفسك وهو الكسبان هو مش خسران حاجة الولد مش حيتقال عليه حاجة انما انتي سمعتك بالدنيا كلها فياريت من البنات تخلي بالها من نفسها من شباب اليومين دول وكمان احب اقلها الحب مش بالكلام ولا بالروشنه ولا بالعزومات ولا بتحويل رصيد ليكي ولا يمسك ايدك وكلام العبيط دة انتي كدة بتضحكي ع نفسك وبتخليه ياخد منك كل حاجة هو عايزها الحب مسئولية لو بيحبك بجد حيستني لما يقدر وحتي لو يخطبك او ع الاقل يكلم اهلك ويعرفهم انه بيحبك بجد الموضوع حيختلف...............................................................................................
احب اسئل سؤال تاني وهو لو واحد بيحبك جدا وحيموت عليكي بجد وانتي برضو بتبادليه نفس الشعور ومحترم كمان وابن ناس وعارف ربنا بس لسه طالب وحيبدأ من الصفر بس ممكن يعمل اي حاجة علشانك هل حتستنيه وتنتظريه ولو العمر كله ولا اها حستناه بس لو حد خبط علي بابي حوافق عليه وخاصه لو مستواة كويس ويقدر يعيشني وتتحججي بقا وتقولي بابا وماما ضغطوا عليا وعايزين مصلحتي انا والله مش عارفه اعمل ايه والكلام الفاضي دة ياريت تردوا بصراحة...............................................................................................
شوية بقا نسيب البنات في حالهم ونتكلم شوية علي الشباب ما هي مواصفات فتاه احلامك هل حلوة جذابه روشة متدينة ولا شخصيتها جذابه وليها حكمه ووجهة نظر مش هوائية اقصد
وهل البنت اللي بتمشي معاها في الكليه طول اليوم وتقلها بحبك والكلام دة هل بتحبها فعلا ولا لا ولا بتسلي وبتتروشن عشان تعرف اصحابك انك اسد وجامد وسيد العاطفي ياريت اعرف اان بجد بيصعب عليا بنات ولاد ناس باين عليهم وبيتخدعوا في شباب ومعظم الشباب ناو اللي بيشرب مخدرات الا بيقضي وقت مع دي ودي ويعشم الاتنين وياخد غرضه منهم وبس ومش فارقه معاه
وهل لو انت بتحبها بجد حترتبط بيها ولا عمري مرتبط بواحدة مشيت معاها قل كدة ايه يضمني انها معرفتش شباب قبلي؟
وهل بجد انت لو بتحب بجد وفعلا بتحبها وترتبط بيها فعلا ايه يخليك تمشي معاها في الجامعه وتمسك ايدها وتخلي شباب في كليه يكلم عليها ويقول انها مش كويسه وانها من ايهم اكيد دة اللي بنشوفه دلوقتي
.........................................................................................................
ياريت يا شباب ويا بنات مصر الغاليه تشاركوا معانا في الموضوع دة بجدية وبصراحة ووضوح عشان نعرف اراء الشباب في مصر ولو بجد في حد فينا غلط نصلحه اي انسان بيغلط اهم حاجة منمطلش في الغلط اهم حاجة نصحح غلطنا ونغير نفسنا
الجروب دة معمول مش عشان المحطة بس عشان نغير نفسنا للافضل ونبقي بجد عندنا قيم ومبادئ ونخاف علي بنات الناس ومش تبقي حياتنا شهوانيه وبس بجد انا اعتبر اللي كدة مش انسان اكيد فاهمين قصدي يبقي ايه....................
ياريت يكون الموضوع عجبكم
وفي اخر حديثي
عايز اعرف من الشباب مواصفات فتاة احلامك وبجدية
والبنت مواصفات فتي احلامها من جميع مواصفات
....................................
............................
..................
........
....
..
تحياتي للجروب الجميل دة ومعا نستطيع للتغيير للافضل
محمد عادل
المنصورة
كليه اداب فرنسي
0108734788
