من طرف 
تخاريف ؟
اه دا اسم الموضوع
ايه تخاريف ده
؟تخاريف ده اسم المقال اليومى اللى بيكتبه جلال عامر
على جريدة المصرى اليوم واللى انا هنقل فكرته هنا
على المنتدى طيب ومين جلال عامر ؟؟ ( ال يعنى ماتعرفش ؟)
ماشى ياعم جلال عامر ده واحد من اهم الكتاب الساخرين فى
مصر حاليا او نقدر نقول واحد ممن يصنعون البهجه ويرسمون
البسمه على وجوه المصريين
من خلال نقدهم اللاذع واللى بيتميز بخفة دم ليس لها مثيل
,,, وجلال عامر تحديدا بيتميز بانه ممكن يخليك تتوه وسط الكلام وتنسى انت كنت بدأت فى ايه
وانتهيت فى ايه
,,, كلام بسيط بيهمنا ,,,,, معانيه عميقه اسلوبساخر جميل خفة ظل مش معقوله دى تركيبة جلال عامر
خلاص ياعم ندخل بقى فى الجد او الهزار مش هتفرق لان
طبيعى الاتنين هيندمجوا مع بعض ويفرزولنا
موضوع جميل من واقع حياتنا ومن واقع طريقتنا كمصريين
اللى ما بنصدق نلاقى اى حاجه نعمل منها نكته او بمعنى اصح
بنضحك على همومنا يله نضحك مع بعض شويه على همومنا
طبعا انا مش بقارن نفسى بكاتب كبير زى دا
بس هيا هتبقى نفس الفكرة هنطرح قضية تلامس الواقع اللى احنا عايشية وحاسينه
هنتكلم مع نفسنا على امل ان حد يسمعنا ويتعظ
ركزوا معايا قوووووووووي
مش عايز حد يتلخبط ولا يحصله حاجه في مخه بس ده فعلا :
كان مجرد موضوع خطر في بالي
]بس بالله عليكم لو فهمتم حاجه ......... اي حاجه يعني ابقوا قولولي
لو الغلط صح والصح غلط
ولو الصح صعب والغلط سهل
ليه ما نعملش الغلط لانه سهل وفي نفس الوقت صح
وليه ما نبعدش عن الصح اللي هو غلط وفي نفس الوقت صعب
ايه معايير الصح والغلط الصحيحه اللي مفيهاش غلط
ولو كل الناس غلط والغلط هو اللي صح
ازاي نقدر نقنعهم ان الصح صح والغلط غلط
مع ان كل اللي حوالينا دلوقتي بيقول
ان الصح غلط والغلط صح
وهل احنا فعلا في زمن الغلط الصح والصح الغلط ؟
وازاي بس نقدر نرجع الغلط غلط والصح صح
ما احنا لو قلنا للناس ان الغلط غلط والصح صح
الناس هاتفهم كلامنا غلط
لانه ده كلام صح
ولو اتكلمنا غلط الناس هاتفهم كلامنا صح لانه غلط
يبقى فين الصح وفين الغلط ؟
ياريت اللى فهم حاجة يرد عليا
تحياتى للجميع
عمرو
