بس بس بس أنتى وهو هتخسروو كتيررررررررررر أوى لو مشفتوش موضوعى ورديتو علية(الحب عن طريق النت)

السلام عليكم ورحمه الله وبركاته

النهارده هنعرض للاعضاء قضيه بقت تمثل 90 % من الارتباط ( الاشتغلات) بين الولد والبنت ( على النت )

والله قضيه غريبه جدااااااا ...... يلا على بركه الله


بحبك يا سوسو مقدرش استغنى عنك انتى نورتى حياتى وكنت بحلم بيكى من زمان ومن غيرك
حياتى ولا تسوى .

(الحج عنتره بن شداد )


وانا كمان يا توتو انا ممكن اقف ادام ماما ادام بابا اقف ادام العالم كله علشان الى بينا وعلشان حبنا .

( الاخت عبله )

( كااااااااااات وقف التصوير يا عم الحج انت وهيا ) <<==== المخرج ( الى هو انا يعنى )



حب ايه يا بيييييييه انت وهيا الاخ من موزمبيق والاخت من كوالالبمور وعمرهم متقابلوا فى حياتهم

وهو حاططلها صوره ( توم كروز ) وهيا حطاله صوره ( نيكول كيدمان ) وعلى كدا وشكرا ..


هتقولولى الحب مشاعر واحساس وليالى وحورات

عمر مكانت الشاشه بتوصل المشاعر والاحاسيس يا بيييييه كلو بيستخبى ورا الشاشه ومفيش

اسهل من الكتابه .



اقولك انا على الى فيها وغرضك من الارتباط ( الاشتغاله )

بالنسبه للولاد : ====>>> امثله توضيحيه ..


1- الشات :

تلاقى الحج روميو داخل الشات والانسه جولييت جوا مثلا وواحد بيقلها ازيك (ليلته سوده )

( البت دى تخصنى يا فلان وملكش كلام معاها ويقعد يصيح فى الشات بقى يما هنا يما هناك وبتاع



2- التصييح :

الحج روميو واقف وسط شلة النت وعاملين يحوروا مع بعض وجت سيرت الارتباط والتزبيط وحريم النت وبتاع ...

صاحب الحج روميو : ايه ياد عامل ايه مع فلانه ؟

الحج روميو : ياااااه انت ايه الى فكرك يا عم اهى كل يوم قارفانى على الموب وانا بكنسل غير السيره وحيات ابوك مش طالبه

صاحب الحج روميو : هو دا الكلام يا صاحبى ويقول المثل المعهود ( نفض للبت تحبك حب البت تنفضلك )

( وتلاقى بقاله 3 ايام مستنى مسد منها علشان يدخل يكلمها على النت ... بس الفكره فى ايه بقى )


البييييييييه بيرسم يا هااااانم على حسااااااابك والله غلابة




3- التسييط ادام البنات :

عامه تلاقى كلام الولد على البنت الى هو المفروض مرتبط بيها مع الولد غير كلامه مع البنت نهائىىى مثال توضيحى :


الحج روميو : اهلا ازيك يا فلانه واحشانى والله

البنت : ازيك انت والله انت اكتر ( والتيت والشريط )

الحج روميو : شوفتى الى حصلى

البنت : خيييييييير ( ملهوفه وبتاع )

الحج روميو : مش انا اتخنقت امبارح مع سوسو خناقه جامده اوى ومش راضيه تكلمنى

البنت : ليه كدا بس طيب استهدى بالله كدا وبطل شد فى شعرك بس ( وبتاع )

الحج روميو : لا سيبينى والله منا سايب شعرايه واحده فى راسى ( علشان يصعب عليها

وبتاع ههههههههههههههههههههههه )

وتلاقى بعد كدا داير على كل واحده فى الشات ولا على الميل والا ويحكلها القصه المأساويه دى

علشان يطبطوا عليه وبتاع هههههههههههه ( الواد ينبسط اوى من الحكايه دى ) والله غلاااااابة



وخد من دا كتيييييييييير بقىىىىى اسباب لا حصر لها انا اديتكوا امثله بس


نييجى بقى للبنات الكوم الكبير :

سعات البنات بيبقى عندها نقص وبتاع متعرفش بقى اتزحلقوا وهما صغيريين جالهم اصنجاج فى الودان مصاحب بمغص فى بطن القدم

وهما فى ابتدائى متفهمش بقى حاجه فى علم الغيب لسه العلماء متوصلوش ليها


مثال توضيحى :


الحج روميو : ازيك يا روحى

الاخت جولييت : الحمد الله يا حبيب قلبى يا كل حاجه عندى (مهى مش لاقيه بقى)

الحج روميو : ايه الحب دا كلو بس ( بيغمزها بقى مهو عارف الى فيها مهو تعبان ومش لاقى

هو كمان ههههههههههههههههههههههه )

الاخت جولييت : هو انا عندى اغلى منك يا روح قلبىىىى هتخلينى ازعل منك بقى

الاخت جولييت : قولى الاول انت غسلت سنانك واستغطيت كويس امبارح قبل متنام

الحج روميو: والله يا حبيبتى انا استغطيت كويس بس نسيت اغسل سنانى الصراحه

( غلطة عمره )

الاخت جولييت : يا لهوىىى انت بتهرج ازاى تنسى حاجه زى دى ولما سنانك تسوس بقى

اكيد انت بتهرج هو انا عندى كام روميو قوم يلا اغسل سنانك


( اتمنى تكون الرساله وصلت )



2- العالم المعقده :

البنت ترتبط بالواد من هنا يا عينى علشان تقعد تتنطط عليه وتترسم ادامه ( الله يخرب بيتكوا هو

احنا ناقصنكوا ) :

مثال توضيحى :


الحج روميو : ازيك يا حياتىىىى واحشتينى مووووووت

الاخت جولييت : الحمد الله وانت ؟ ( بكل تناكه )

الحج روميو : انا الحمد الله ( الواد انكسر يا عينى )

الاخت جولييت : استنى ثوانى هاكلم واحده صحبتى بس علشان نازله النادى دلوقتى ..

الحج روميو : طيب ( الواد نفسويته اطحطمت يا عينى )

الاخت جولييت : اه ونسيت اقولك انا مش هاقدر اجى فى ميعدنا يوم الخميس علشان رايحه

عند توكيل PURE CARDIN كنت عايزه شاور جيل لجوجو ( الكلب بتاعها )

الحج روميو : مش مشكله يا روحى المره الجايه ولا يهمك ( الواد بيكلم نفسوا : ماشى يا بنت

جوجو الاقرع )

ايـــــــــــــــــــــــــه التنااااااااااااااااااكة دى يابنتى بالراحة على نفسك شوية ليطقلك عرق ولا حاجة

وحياتك ليجى واحد يخليكى تعيطى


3-انا بقضيها وخلاص يا ختى هو انا اقدر اعيش كدا :


دول بقى بيبقوا متوسط البنات الى بيدخلوا فى علاقات وارتباطات على النت الفكره فى النوع دا بقى ايه .....


انو اتعود انو لازم يرتبطوا وخلاص انشالله بكلب بلدى مش هتفرق بس لازم يأضوها وخلاص


وتلاقيهم البنت منهم خلصت معا واحد تخش على التانى ولا تفرق وتيجى تكلمها بقى الحجج كتييييييير

مثلا : دنا لا بحبه ولا بتاع يا اخويا بس علشان انسى الحب الاولانى والليالى والتيت والشريط


وكل مبيدخلوا فى علاقه بيبقوا عارفين ومتأكدين انها ملهاش مستقبل بس تعمل ايه بقى هما

كدا

ودول بيمثلوا غالبيه الشعب وتلت تربع البنات دلوقتى بقت عايزه تأضى لا وظهرت حجه جديده بقى

لو لقت ان الارتباط ملوش عازه تقولك ايه :

( دحنا اخوات مش اكتر )

هههههههههههههههههههههههههههههههههههه

والله العظيم يا جدع حاجه عجيبه

يعنى انتى ممكن تقعدى معا اخوكى وتقوليله دنا كنت بحب فلان وسابنى وعلان سبته علشان

طلع وحش ( ودى غالبيه المواضيع الى بيتكلم فيها البنات والولاد فى موضوع الاخوات دا )

دا كان اخوكى علقك على باب شقتكو



وما خفى كان اعظم والقاااااايمه طوييييييييييييييييييييله بالنسبه للبنات والشباب


كلمه فى الجون بقى :

من الاخر يا جمااااااااااااااااعه اى اتنين يرتبطوا على النت علااااااااااااااااقه ملهاش

مستتتتتتتتقبل ولا ليها طعم ولا ليه ريحه الا اذا اتحولت لايف وعلاقة تكون فى النور قدام كل الناس مش مجرد شاشة

بطلوا دحك على الدقون بقى وفوقوااااااااا حرام عليكوا الى انتوا بتعملوا فى نفسكوا دا عارفين كل

حاجه وعارفين الى فيهاااااااا والواد بيكلم 10 فى نفس الوقت على الميل ويقل حبيبته دول اخواتى

والبنت كذالك دول زى اخواتى بالزبط يا حبيبى ... تك وكسه انت وهيا ربنا يشفيكوا .



اتمنى ان رسالتى تكون وصلت لكل شاب وكل فتاة

انما الاعمال بالنيات
واللى يفكر اى تفكير
مش كويس مبيبقاش فيه توفيق
صدقينى

ممكن يكون ده بيحصل بس انت قلتيه بطريقه مبالغ فيها شويه

مش كل علاقات النت بتبقى حب لا اكترها صداقه

والدليل هنا ف المنتدى ايلى انت عضوة فيه

اكتر الاعضاء بيكلمو بعض ع الايميل بكل احترام وادب

غير كده يعنى انت مش بتدخلى نت خالص ولا بتتكلمى مع حد

قبل كده ناقشنا موضوع النت ده بس المشكله ان الشباب

لاقيه عندها وقت فراغ كبير فبتلهى نفسها

وع كلامك يبقى الواحد يقفل الكمبيوتر خالص ومايجيش جنبه

ليقع ف واحد زى روميو ولا وحده زى جوليت

وع فكرة ده مش بيبقى حب

بس عارفه انت فكرتينى بسيد العاطفى لما كان بيوعظ البنات والشباب

وف الاخر جت ع دماغه ههههههههههههههههههههه

ميرسى يا قمر ومبقاش حد صغير الكل عارف مصلحته والصح من الغلط

لكن ده موضوع مطروح للنقاش واحب اعرف رايكم وراى محمود عجبنى

كل مكان فى النموذج الجيد والنموذج غير الجيد
حتى الشات نفسه مش كل الى بيدخلوا الشات ناس بتوع كلام
ولا كل الى بيدخلوا النت والمنتديات شباب لاسع ودماغه مااشيه بس
فى التفاهات لا طبعا اكيد فى ناس عقليتها وتفكيرها ناضج عن كده كتير
وبالعكس النت ممكن من خلاله يحصل صداقات كتير جيده
وفعلا كل واحد عارف هو بيعمل ايه والى بيسيب نفسه للكلام ده
هو يتحمل النتيجه لانه وضع نفسه فى الموقف ده بايده
والحب عن طريق النت مش فرضيه مسلم بيها يعنى مش كل اتنين
يكلموا بعض يبقوا يحبوا بعض يحبوا بعض لا طبعا
ممكن يحصل لو كل شخص فيهم اعجب بعقليه وتفكير التانى
ويحصل مقابلات بينهم وتعارف اكتر ويكون كل واحد فيهم صادق
فى كل الى بيقولوا مع التانى وكل شىء جايز حتى لو نسبته بسيطه
او نادر الحدوث وطبعا كل شخص المفروض عارف هو بيعمل ايه
والمفروض متمشيش الامور كده لان دى سذاجه واضحه وارجع واقول
كل شخص من دول لا يلومن الا نفسه فقط
والموضوع فى النهايه وجهات نظر وكل شخص بيقول وجهه نظره

وميرسى ليكى على التوبيك
تقبلى تحياتى

يعنى النت زى اى وسيلة تعارف تانيه ..
من خلالها بيتعرف الناس على تفكير وعقليات بعض وكده
ومش لازم يكون كله غلط او فاشل ..اكيد فى نسبه من كل حاجه
وزى ماقـال كريم مش كل الناس زى بعض ومش الكل بيبقى لاسـع وبتاع اشتغالات
وكل واحد بيعمل حاجه بيكون متوقع نهايتها وبيتصرف على اساسها .. وكل حد ودماغه بقى

نايس توبيك .. ميرسى ياجميل

استنو هنا انتو بترودو على اى اساس انا بتكلم عن حاجة معينة الارتبااااااااااااااااااااااااااااط بين الولد والبنت على النت مقولتش الاصحاب والاصدقاء اقرو الموضوع كويس بلاش كل واحد يفهم الكلام بالطريقة الى تريحو حد فيكو يقولى ان معظم شباب وبنات النت الى ليهم علاقة مش بيعملو زى الموضوع وبعدين قريتو الحتة دى ان العلاقة بين المرتبطين لازم تتحول لايف انتو هجمتونى اوى من غير ماتفهمو انا قصدى اية انا بتكلم فى شيىء محدد الارتباط على النت انما الاصحاب والاصدقاء دول احلى حاجة فى حياتنا وشكرا اوى

محدش هاجمك يا دونيتا ولا حاجه
ده موضوع وكلنا بنتناقش عادى وكل واحد بيقول وجهه نظره
وانا فى كلامى حددت الجزء بتاع الارتباط ده واتكلمت عليه
وشوفى كلامى كويس وانتى تعرفى
وميرسى تانى مره على موضوعك

حصل خير تسلم على مرورك

ع فكرة يا جميل برده الارتباط مش بيبقى بالصورة دى

وميرسى جدا ع موضوعك

لان فيه الكويس وفيه الوحش وانت طرحتى حاجه مهمه جدا

lمقدرش ازعل من اخواتى حصل خير واسفة لو فى حاجة فى الموضوع زعلتكو منى

واحنا منقدرش نزعل من اختنا برضه
بس كنا بنتناقش بس
ولو كان اى رد ضايقك احنا كلنا اسفين
ولا ايه يجماعه

ههههههههههههههههههههههههه

فعلا مش شرط يبقى علاقات النت حب بالعكس اكترها صداقه

يعنى انا مثلا نص شباب المنتدى اصحابى هل اقدر فى يوم اقول لمحمود جتك وكسه بحبك
او لوليد اتنيل ياحبيبى او لمحمد اتجوزنى عرفى لا طبعا اطلاقا
هههههههههههههههههههههه
صدقونى اجمل حاجه الصداقه بس الى تكون صح
بلا حب بلا وكسه ماهو كله بيخلع بس لا لا فى شباب جدعه ومخلصه اه والله مش بتريق
يلا ربنا يوفق كل شاب وكل فتاء ونرحب بكم فى لجنه حموم الانسان ههههههههههههه

عاجبنى او نقاشكم وتوحد رايكم

يا بحر يا فضحانا
ههههههههههههههههه
جتك وكسه ياختى

انا اسف يمامى معدتش هعمل كده تانى

مـــــــوضوع جميل ويستحق النقاش

وبعـــــــتدين فيها ايه الارتباط بين البنت والولد على النت .لما كل حاجة دلوقتى بقت بتتعمل دلوقتى عن طريقه يبقى الارتباط بين اتنين حبو بعض على النت وحش أو صعب


تقبــــــــــــلو مرورى