النيل دا يا جماعة حاجة فظيعة بالنسبالى معاه بعيش احلى ذكريات واحلى اوقات
بشكيله همى واحكيله على فرحى
انا بقا هشرحلك انا بكون فين بالظبط على النيل
انت عارف الكوبرى بتاع طلخا ... تعرف المشايا الى تحت الكوبرى .. ايوه هى دى .. تمشى شوية هتلاقى استراحه وقدامها سلم بيطل على النيل على طول
انا بقا بكون هناك ابقى تعالى .. ولا اقولك متجيش عشان مش عايز حد يضيقنى
تعرف الناس كانوا بيتكلموا على السلم دا وبيقولوا ان السلم دا عامل عشرة مليون جنية
انا جالى حالة انتهاش وحولت اعرف الاسباب منهم
قالوا ان السلم دا كان بيعد عليه الاستاذ جعفر الحنوتى اكبر جزار فى البد
تانى سبب ان دا بيطل على النيل على طول يعنى منك للنيل
قولتلوا انا مقدرش اشترى السلم دا
اولا انا بنتحر كتير ولما احب انتحر تانى محبش انتحر فى النيل الى بحبه
ثانيا بقا ودا الاهم ان مفيش فى جيبى غير ربع جنيه يبقى انا اجيبلك عشرة مليون منين منيييييييييين يااااااااااخى
ثالثا ودا الاهم فعلا ان جعفر الحنوتى الى بتتكلم عنه دا كان صحبى الروح بالروح
وشكرا لحسن استماعكم