هاااااااااام.......... اعترافتى!!!!!!!!!!!!!!

بسم الله الرحمن الرحيم

السلام عليكم ورحمة الله وبركاته ,,

ده موضوع خاص وأتمني من الجميع قرائته للأخر وياريت يعني اللي يدخل ومش ناوي من الأخر يقرأ للأخر ياريت

ميكتوبشي أي عبارات شكر .. (( ونايس توبيك - وتسلم ايديك )) والكلام ده .. لو هيعمل كده يبقي يقرأ وخلاص

ومش يسيب أي كومنت .. بس عشان الموضوع ده بيمس مشاعر كتير مننا فأنا بتحفظ علي الردود اللي من الشكل والنوع ده

ــــــــــــــــــــــــــــــــــــــــــــــــــــــــــــــــــــــــــ

دي اعترافات قلب

شاف كتير من الدنيا

ونفسه يتكلم و يقول اللي جواه

الناس بتقول ان اي قلب مجروح مع الزمن و الوقت بيتداوي و بيرجع زي ما كان

كأنه لسه قلب فاضي و جديد و لا شاف هم و لا شاف حزن

وانا مش قادر اصدق الحكاية دي

لكن اللي اعرفه و متأكد منه ان القلب المجروح

مهما عدت سنين عمره ما هايرجع تاني زي ما كان

جروح القلب كتير اوي

ومش لازم جرح القلب يكون من حب راح لا

جرح القلب و كسرته بتكون من الناس و من الحب و من الحياة كله

احساس صعب اوي انك تبقي عايش بقلب مجروح

بتلاقي قلبك بيتقطع و انت واقف و مش قادر تعمل اي حاجه

عندك احاسيس كتير مش فاهمها و مش عارف مصدرها و مش عارف تهرب منها

احساس بالضعف

بالخوف

احساس بألم فظيع

ألم بيأن في قلبك ليل و نهار

قلبك بينزف

و بيتقطع قدام عنيك

و بيتوجع

وانت واقف مشلول مش عارف حتي تنقذ منه و لو جزء صغير

زي ما تكون محبوسة حاجه كبيرة اوي جواك

زي ماتكون متقيد بسلاسل عمرها ما هاتتشال من عليك

نفسك تصرخ


نفسك تتحرك في اي اتجاه تاني غير اللي انت ماشي فيه

نفسك تقول آااااااه


لكن الكلمة محبوسة في صدرك و مش قادر تطلعها


يااااااااه علي الحياة

ياااااه علي الناس اللي مش بتحس بيك

وعلي قسوة القلوب الللي حواليك


وحياتك اللي بتسوء يوم عن يوم

وفــــجـــــأة

ييجي أمل

ييجي حب

يلملم الجرح

ويداوي شوية بشوية

تبتدي تحس

تبتدي تحب

يبتدي قلبك يدق من جديد

تبدا جواك حياة جميلة و حلم صغير عاوز يرتوي بالحب علشان يكبر

وزي ما الحب جه فجأة بيروح برضو فجأة

وتلاقي قلبك بعد ما ابتدي انه يحس بالحياة

ابتدي يموت من اول و جديد

والالم اللي كان قلبك متعود عليه بقي افظع و اقوي

لانه ألم من قلب كان قرب يموت و عرف معني الامل

و فقد الامل ده حتي قبل ما يشوف ملامحه

تحس الحياة بتموت جواك

مع انك عارف انك عايش و كل الناس حواليك عايشين

بس لما تبص لنفسك في المراية

بتلاقي حطام انسان

بتلاقي جسد من غير روح

بتلاقي احلام متكسرة

بتشوف قلب بينزف و نزيفه شديد

والامل اللي كان ممكن يحيي قلبك من جديد

او حتي يلملم جراحه راح

راح الامل

راح الحب

راح الحلم اللي كنت لسه هاتبدأ تحلمه

راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم

وتبص علي الناس اللي حواليك

تلاقيهم عايشين

بيضحكوا

بيحبوا

بيحلموا

وأنت واقف مكانك

مش قادر تنقذ قلبك اللي بيموت

بيموت

لأ انا قلبي مش بيموت

ده قلبي خلاص مات

أيوة فعلا قلبي مات

فين دقات قلبي

فين احساسي بابسط الاشياء في الكون

مفيش

مفيش احساس بأي شيء

مفيش متعه

مفيش سعاده

مفيش احساس حتي بنبض قلبي

لكن في حاجه جديدة ابتديت اعملها

في ابتسامه

ابتديت ارسمها علي شفايفي

بخدع بيها غيري

علشان ماشوفش نظرة عطف في عينيهم

وبخدع بيها نفسي لما اشوف نفسي في المراية

وبخدع بيها روحي

علشان تفضل في جسمي عايشة لغاية ما ييجي اوانها و تسيب الدنيا هي كمان

يمكن ساعتها ارتاح

يمكن في الموت راحه للألم اللي مالي حياتي كلها

يمكن

أحاول اسيب الدنيا و اموت

بس هاموت كافر يعني

لأ إلا ربي و ديني

انا خسرت احساسي وخسرت حبي و خسرت نظرة للحياة بعين سعيده

لكن مش هاخسر ربي و لا ديني

طيب هاعيش ازاي

مش لو اصلا كنت عايش

هاقضي ايام و خلاص

بتعدي عليا ليلها زي نهارها

ألم و تعب و حسرة و ندم

يا ريت انا كنت زي باقي الناس

ادوس علي غيري و لا يهمني

يا ريت كنت يا قلبي قاسي

يا ريت كنت واحد تاني غير نفسي

في مكان غير المكان

في زمان غير الزمان

مع ناس غير الناس

يمكن كنت اقدر اعيش


يا ريت

يا ريت

يا ريت

وبيفضل سؤال دايما جواك

يا تري في قلب تاني ممكن يكون حاسس بنفس احساسي ده ؟

والاجابة............................... مش موجوده

الصراحة يا وليد كلام يوجع القلب اوى
و لو كنت انت اللى كتبته تبقى فعلا انسان مفيش منك اتنين
المشكلة مش فى نفسك المشكلة فى الناس اللى حواليك
و يا ريت كل المشاعر تبقى زى اللى قلتها فى موضوعك
مشاعر حساسة تقدر اللى بيحبها
متستغلش ضعف و حب اللى قدامها
ناس كتيرة مفتقدة للحب الحقيقى
مش لازم من حبيب او حبيبة
لكن على الأقل من الأسرة
ناس كتير عندها فراغ عائلى
و لما بتدور عليه بره الأسرة بتقع من اول تجربة لأنها بتتخم ادام اى مشاعر
و دلوقتى الناس قسمين ... قسم حساس جدا و قسم و لا تفرق معاه
و الحساس اليومين دول ملوش مكان فى مجتمعنا العصرى
لكن هو الأحلى
مش هتقدر تعيش الا بالنفاق
و ده صعب بالنسبة لناس كتير من اصحاب الضمير
و لما ضمير الناس يصحى هيتغير حالنا تماما
و لكن هيهااااااااااااااااات
بس لازم يكون فيه أمل لأن عمر الإنسان ما يقدر يعيش من غير وجود أمل فى حياته و إلا هينهار
لو فشلنا مرة مع اى حد هنتوجع آه لكن لازم نفوق و نعيش حياتنا
و نبقى متيقنين اننا فى يوم هنلاقى اللى يقدرنا
و لحد دلوقتى مفيش حد بيقدرنى غير أسرتى
يا ريت كل حد مفتقد لأى نوع من المشاعر يلجأ لأسرته
هى الوحيدة اللى هتتحمله و تقدره
مش اى حد غريب

1

بص ده كلام جميل واحاسيس ومشاعر وما شابه ذلك واليله الطويله دي ومن الاخر انا بقول الوقايه خير من العلاج يعنى مش نتعب نفسنا ونرجع نتالم وشكرا ليك

انا هقول كلمتين اختصار كل كل وموضوع دة بجد انا بحيك علية يا وليد
بجد نفسى تقول آااااااه

نماشى الحب اللى بنحبة فى الطريق الصح يقولو علينا وحشين ولو حد تانى مشاه فى الغلط يقولو علية حب جميل معنتش عارف اقول اية علشان كدة نفسى اطلع فوق رمسيس اللى عند الاستاد واقول اهههههههههههههههههههههههه بعلو صوتى