السلام عليكم
الاحلام..... كل واحد فينا بيحلم مفيش حد ما حلمش حتي لو حلم عبيط.. او تخريف..او حتي كابوس
اهي كلها اضغاث احلام.. او العقل الباطن المكبوت بيقولك فوق ... او رؤيه من الرؤي ...يارب اجعل احلامنا كلها رؤي...
مش هنطول بالاحلام والشرح والتفسير والذي منه
احب اختصر الكلام
فخير الكلام ما قل ودل
كلمتي النهارده بتقول ان الحلم مالناش فيه اراده ده حلم واحنا نايمين
حلو جميل الكلام طب ليه منحلمش واحنا صاحيين
وبدل ما العقل الباطن يخرف ويقول ولا حد بيحس بيه
نحرك احنا عقولنا ونقول ايه الي باحلامنا
هنطلب طلب بسيط انك تحلم ولو لخمس دقائق تحلم انك مثلا مثلا يعني...
مش هنقول رئيس عشان المنتدي مش يطير
هنقول تعالي احلم انك تكون وزير اختار ولو لخمس دقايق:
اول سؤال:
هتختار تكون وزير ايه(صحه- كهربا- مواصلات- طاقه- شباب ورياضه -ثقافه-........الخ)؟؟؟؟
تاني سؤال
بعد ما تختار نوع الوزير ممكن سيادتك بالمنصب ده تعمل ايه؟
يلا قدامك فرصه تكون وزير وتجاوب وتطلب وتشخط وتنطر
بس يا شاطر جاوب ورينا اقتراحاتك
انا عن نفسي حلمت خلاص بس هجاوب بالاخر