يأما اتجوز يأما أنحرف
وانا مشقادر على نكاليف الجواز
وبرضه ماسك نفسى ومش عايز أنحرف
يبقى أعمل
أيييييييييييييييييييه
-----------------------------------------
ده كان كلام واحد صاحبى أمبارح
لما كنا بنتناقش على المناظر اللى الواحد بقى بيشوفها
أمبارح انا مكنتش حاطط فى بالى بس انتبهت أنى من ساعة ما ركبت
الميكروباص لحد ما نزلت منه
ماشوفتش واحدة لبسها مافيهوش حاجة غلط
الواحد بقى مش عارف يودى عينه فين
أبص يمين ألاقى واحدة لابسة بنطلون جينز ضيق وفوقيه حاجة أضيق
ووشها متلخمط مكياج
والطرحة فيها ألوان الدنيا المبهجة
أدور عينى وأبص شمال ألاقى واحدة لابسة جيبة قصيرة
وعشان حرام رجليها
تبان لابسة جزمة بوت لحد الجيبة, وطبعا الطرحة
ماتختلفش كتير عن الأمورة اللى على يمينى
أسيب كده وأبص قدامى ألقى واحدة لابسة أسدال, طب الحمد لله كويس
, بس الأسدال لابسة عليه طرحة فوسفورى
ومعصم فوشيك ووشها مضروب فى علية مكياج برضه
نزلت عينى فى الأرض وأنا خايف ألاقى واحدةمن تحت الكرسى لابسة لبس منيل هى كمان
طب الشباب اللى زينا يعمل أيه
أنا معاكم أنه لازم الواحد يجاهد نفسه بس الضغط اللى
على الشباب رهيب أنا واحد من الناس
اللى الحمد لله مابتفرجش على قنوات الكليبات وقرفها
بس اللى موجود
فى الشوارع دلوقتى بقى حاجة رهيبة
البنات بقت بتتفنن فى ألوان اللبس ومدى الضيق بتاعه
والشباب بيبقى محروم وماسك نفسه وللأسف بيضطر يبص
مش عايزين نرمى
الذنب كله على الأهل مع أنهم الأساس فى موضوع لبس البنات
عايزين نكلم البنت اللى للأسف بتكون واعية وعارفة
حقوق دينها كويس وبتعمل عكسها
البنات اللى بتفهم بتعرفأنه الولد لما بييجى يتجوز مابيبصش غير للبنت
المحترمة فى كل حاجة زى طريقة
لبسها وطريقة تعاملها مع الناس
أنما اللى بتتفنن فى طرق لبسها وتعاملها دى بتسقط من نظر الولد
وبيبصلها على أنها واحدة ممكن يصاحبها أو يمشى معاها بس
أنما مايقدرش
يستأمنها على بيته بعد كده
رسالة إلى كل بنات المسلمين من مسلم خايف عليكم
صونوا أنفسكم حتى يصونكم غيركم
وليس لنا إلا الدعاء والصبر يا شباب المسلمين