من طرف طبعا كلنا فاكرين الجزء ده فى فيلم الباشا تلميذ لما غادة عادل بتقول لكريم
عبد العزيز
"أصل ماما عادى"
الكلمة ممكن تكون معلقتش معانا قوى بس ليها معنى كبير فى الزمن ده
يعنى أيه ماما عادى
معنى كده ان ماما مكبرة دماغها, مصهينة, مش مهتمة
كل دى معانى للجملة دى, وللأسف بقينا بنشوف كده كتير فى الزمن ده
البنت بتنزل بلبس ماينفعش يتلبس حتى فى البيت وماما عادى
البنت بتهزر مع صاحبها فى الجامعة بأيديها وهو كمان بس ماما عادى
البنت بترقص فى فرح بنت خالة جوز أخت صاحبتها وماما عادى
أيه اللى حصل فى الموازين بتاعتنا, معقولة الزمن فى فترة قليلة كده يتغير
بالشكل ده
اللى أسمعه أيام زمان ان البنت ماكنتش بتخرج من بيتها غير على بيت جوزها
ونسيبنا من الناس الجاهلة اللى بتقول حرية المرأة والكلام الفاضى ده
لأن حرية المرأة عمرها ما تكون بأنها تخالف دينها وعاداتها وتقاليدها
انما زمان البنت كانت مصونة فى بيت أبوها عشان تعرف أزاى تصون بيت جوزها
انما للأسف دلوقتى بنات كتير إلا من رحم ربى بترخص نفسها بأفعالها
ومن قبلها بيكون أهلها اللى رخصوها انهم ماربوهاش كويس
دلوقتى بقت ماما عادى
وبابا عادى
وتيتا عادى وجدو عادى
ومراة البواب كمان عادى
مرحباً بكم فى عائلة عاااااااااااادى
خير الكلام ما قل ودل... والكلام ممنوش فايده(ان الله لا يغير ما بقوم حتى يغيروا ما بانفسهم)
خير الكلام ما قل ودل... والكلام ممنوش فايده(ان الله لا يغير ما بقوم حتى يغيروا ما بانفسهم)
