من طرف الرسالة دى لو بعتها لــ 34
شخص حتسمع خبر حلو فى خلال 5 سنين
ولو مابعتهاش
حيجيلك شلل رباعى وجدرى وحيطلعلك أبو رجل مسلوخة يعضك
تاجر بعتها للى
يعرفهم كسب 75 قرش فى صفقة كبيرة وعاش سعيد طول عمره
وسواق تجاهل
الرسالة ومابعتهاش عجلة الميكروباص بتاعته اتخرمت وقعد زعلان عليها 3 أيام ومات بعدها
-------------------------------------------
طبعا كلنا رسائل وأميلات زى دى
كتير سواء على الماسنجر أو على الأيميل
ومش حكدب عليكم
فى الأول كنت ببعتها من باب الثواب
لكن بصراحة
الموضوع رخم قوى وعرفت أنه مش مجرد رسائل مجهولة بتتبعت وخلاص
للأسف كل دى
حاجات بيبعتها اليهود وأعداء الأسلام منباب تسطيح وتهميش فكر المسلمين
لأنه مجرد
الأيمان بأن الرسائل دى هى اللى حتنفع أو تضر البنى أدم يعتبر شرك والعياذ بالله
لأنه طبعا
القدر ده بأيد ربنا ومش متعلق برسالة أو بفعل مننا
وإلا كان زمان
المشركين والكفار بيعانوا وحياتهم كلهاجحيم فى جحيم مثلاً
أعداء الأسلام
بيحاولوا يلهونا بأى حاجة عشان نبعد عن ديننا ونفكر فى الفرعيات والتوافه
زى مثلا الكليب
بتاع اللى طلعوه من القبروشكله مش عارف عامل أزاى
وزى المسخ اللى
كانوا بيقولوا عليها أنها بنت داست على المصحف برجليها
كل دى يا جماعة
خرافات بيحاولوا يبعدونا بيها عن الأساسيات فى الدين اللى أحنا مش مهتمين بيها
ياريت مانساعدهمش بنشر الرسايل دى مابيننا
لأنه للأسف بقى
كتير مننا بيحذف الرسائل كلها سواء كانت كويسة أو لأ بسبب نوعية الرسائل دى
وحاسبوا من أبو رجل مسلوووووووووخة
