المذيع: ((أحببتك حباً لم يحببه حبوب لأحداً من الحبايب))
مستمعينا بنرحب بيكوا فى حلقتنا النهاردة ونقول ألووووووو
المتصلة : ألو ( بصوت رقة مصطنع طبعا لأنها خايفة أبوها يصحى)
المذيع : نتعرف بيكى
المتصلة : أنا عنايات
المذيع : أزيك يا عنايات
بنرحب بيكى وعايزين نعرف أيه مشكلتك
عنايات : أنا مشكلتى أنىمش عارفة ألاقى الحب الحقيقى, ارتبطت بــ 7 شباب
وأنا فى سنة أولى, لكن فى كل مرة مكنتش بلاقى الفارس اللى حيخطفنى على الحصان الأخضر
المذيع : قصدك الحصان لأبيض
عنايات : لا انا بحب الأخضر أكتر, المهم اتخطيت المحنة دى وقلت أبدأحياتى من جديد لما كنت
بعيد أولى, بس برضه ملقيتش الأنسان الكويس فى الــ 5 شباباللى ارتبطت بيهم
المذيع : طب وعملتى أيه بعد كده يا عنايات
عنايات : قلت أستقر
واتجوز يمكن ألاقى الحب الحقيقى مع اللى حتجوزه
المذيع : طب ده
كلام كويس قوى, أهو تلاقى على الأقل حد يلمك
عنايات : ماهو المشكلة برضه أنى مالقيتش الأستقرار فى الــ 4 مرات اللى اتجوزت فيهم
المذيع : مممممممممم
عنايات : تفتكر يا أستاذ حرحش المشكلة فى أيه, أنا حاسس أنه العيب مش فيا, بس مش عارف العيب فى مين
المذيع : عنايات (بيقولها طبعابصوته الساحر الشاجى الباكى الحساس) انتى مشكلتك
أنك محتاجة الحنــــــــــــــــان,
لأنك وانتى صغيرة مامتك ماكنتش بترضى تجيبلك كتاكيتو الشمعدان, وده خلى عندك عدم ثقة فى الرجالة, وعلاجك
أنك تواجهى أمك بمشكلة
الشمعدان, وقتها بس حتحسى بالأمان والحنـــــــــــان
عنايات : انا مش عارفة أشكرك أزاى يا أستاذ حرحش على تفسيرك للموضوع, ده
فعلا اللى أنا حاساه, وده حيحللىمشكلتى أكيد مع الــ 2 اللى ماشية معاهم دلوقتى
المذيع : بنشكرك يا عناياتونسمع دلوقتى أغنية رومانسية بعنوان ((الكرنب))نهاية المشهد
ههههههههههههه
انا طبعا مش حطول فى الكلام لأن الحوار بيبين قد أيه أحنا بقينا بنحب التفاهة
بنات وشباب مش عارفين صلاة الضهر فيها كامركعة وبرتبطوا ويسيبوا بعض فى الأسبوع 10 مرات
ولقوا حاجة يفرغوا فيها قصصهم الهايفة اللى بتدل على أنهم خاويين من جوه
وطبعا لزوم النجاح بيجيبوا واحد من نوعيتهم, بيعمل عليهم فيلسوف الحب والغرام, وقال
أيه بيشير عليهم فى مشاكلهم العاطفية الرهيييبة
انا مش حقول غير أنها حلقة أخرى فى مسلسل الفشل المستمراللى
بيعيشه شبابنا واللى للأسف مش باينله نهاية
كان معكم المذيع اللامع عمرو استاكوزا من قناة البليلة الفضائية